بتـــانة نيوز - "بدايات البدايه " مصطفى معاذ الخارجة الوادى الجديد

مصر

يا بدايات البدايه

يلى كل حبيب يقول لى

عن حكايتك

افتكر مليون حكايه

يا بدايات البدايه

فى الصباح انظر لناسك

رمل ماسك

يا مليحه فى الاماسى

انتى اهلى وانتى ناسى

خبى دارى

كونى جارى

لما نجمع فى دارى

نحكى عن اجمل حكايه

عن بدايات البدايه

لو هقولك يا بلدنا

عن غرامى قد ايه

صدقينى يا اصيله

طيب هقولك ايه وايه

يا نخيل واقف ف جنبى

يا هوا احلف بربى

لو ينسم يوم فى قلبى

تترسم مليون حكايه

عن بدايات البدايه

دق كفك دق قلبى

روحت دقيت الكفوف

روح يا قلبى روح يا قلبى

دور وطوف

اطلع النخل اللى واقف فى الغيطان

طل على نور القلوب جوه البيبان

يترسملك كل قلب ابيض يغنى

بالموده والمحبه والتمنى

يحكى عن اجمل حكايه 
عن بدايات البدايه